開槓.燈

 開完槓就向下插,燈到唔恨

開槓

綜合判斷,是中長線試低後回升;開槓

是錯是對?都係估估下

沒有人能準確預知未來,這只是一個機率的變化問題

新秀麗 - 甚麼是對,甚麼是錯?

 上年9月的時候,在停了三年後第一次外遊;結果臨上機前其中一個喼的輪子粉碎,應該是太耐無用,啲膠老化左;臨急臨忙即刻去買個新秀麗.到回程時,另一個喼直情係爆左,好可能都係因為太耐無用.

結果返泥之後,就認為新秀麗(1910)應該會有一次爆發性業績增長.响9月買入,股價$20.15; 當時1910已經由6月中低位$14.5升左好多.

買入後曾經再升少少,去到$21.3;但跟住就隨大市下跌,10月頭跌到$18.7止蝕離場;當時的想法是大市不知還要跌到哪個位,先換回現金,侯低再吸

10月尾最低跌到$14.5左右

11月頭,1910隨大市向上,最高去過$25.3左右,而家跌返到$23

****

11/5 1910出業績,純利按年增加3.5倍

****

咁究竟買入既決定,同賣出既決定,係「啱」定係「錯」?

純以睇業績基本因素而言,我當時預測業績爆升,係預測得啱的

但預估業績啱,唔代表隻股就會一直升

見股價繼續向下,止蝕,又唔可以話係錯,畢竟之後亦真係繼續向下.

***

如果以2800做比較,

15/9/2022 股價係$19.56;

12/5/2023 股價係$19.74

响呢個角度睇,當時買入1910,又其實係一個啱的決定,因為係跑嬴2800

***

結論,大市走向緊要過個股

如果以預估業績去做買賣,首先要預期,就算估啱,都唔代表股價會即時跟隨,不過理論上响長線會反映...

又不過,前提係,要真係估啱左先得~

股

 呢排手中持股升,但又會跌入返,升就覺得點解買得咁少既消極思想

手中持股:

1772

2800

2823

16

941

939

3311

316

1099

其中最看好的是1772,但徧徧前幾日大跌時只敢少量加倉;之後這兩天大市跌也在回升,證明應該穏妥... 唯有再等機會吧;純以圖論,則今日好可能係突破... 如有拉回,會再加倉

雖然最看好是1772,但持倉最大卻是16,因為確定性最高.

經過了由2021開始的大跌,變得膽少了;年紀也大了,再也經不起大跌

矛盾的源頭3

 對將來的判斷

我認識的真實例子：一對夫妻想要買樓，雖然兩人已一同研究了資料（利率、供應量、需求... etc.)。但同一項資料，卻可以產生對將來有不同的看法（e.g. Fact: 樓價相對入息中位數越升越高，看法（1）:越來越少人買樓，需求減少（利淡）；看法（2）:樓價升代表是好的投資項目，會更吸引多啲人買）... 然而，將來樓價是升是跌，其實是一個機率的問題。

理論上的解決辦法,是討論至一個大家同意的機率,(e.g. 60%升,30%唔郁,10%跌),然後根據賠率下注碼.

可惜買樓的銀碼太大,大部份人只有"買"與"不買"兩個選擇;結果為了避免一次過沒頂,很多人寧願選擇"不買"(Risk adverse).我上文例子中的丈夫就是因為無買,被妻子怨足幾十年.

****

剛巧正在讀"Thinking in bets";書中的道理很多都已在之前讀過.  將機率思考放到投資上還好,因為可以分散投資,但應用到生活上的決定,則有很多的限制--

例如,一個年青人想放棄一份政府工去做明星,假設每一千個人就能有一個成為明星,而成為明星則能將收入增加一萬倍... 純以機率X賠率,是應該做.但其實最重要的考慮因素,卻應該是,如果最後屬於失敗的1/999,生活會如何.

選擇,不是去選"最好"的那一項,而是選"最少壞處"的一項.

矛盾的源頭2

 兩種理論上可解，但實際難解的矛盾：

（1）對問題的理解不清晰

李天命語理分析書中的重點其實只得一個：對問題的定義要清晰。

「這是一間好的餐廳嗎？」兩個人可以爭論不休，因為「好」這個字定義不清--是它食物美味？環境舒適？地點方便？服務周到？

理論上，問題可以定義清楚，而且用SMART方法便可解... 但實際上生活上樣樣都咁做，一定煩到嘔。

（2）對問題的基礎知識不同 

說一個有點傷感的故事。

有位朋友，樣子生得像成奎安，但人其實温純敦厚。

由青少年時期開始，每次當佢搭𨋢，而𨋢入面只有一個女仔的話，當佢行入𨋢，𨋢入面個女仔都會走返出嚟。佢一直以為呢個係正常情況。所以佢習慣左每次架𨋢入面有女仔，佢都唔會入𨋢，會自動自覺等下一架。佢以為呢個係男士應有既「禮貌」。

直到有一次佢同朋友講開呢，先至發覺原來呢個做法並唔正常。

*****

好多人會以為自己嗰一套做法先係「正確」「正義」，其他人反對佢既做法，就一定係仆街；然而其實，佢無去諗過，可能其實其他人係知道一啲佢唔知既嘢，所以先至會反對。

理論上這類問題可以靠教育解決，但以人性而言，大部分人只會堅持自己正確而拒絕由他人觀點學習。所以，現實上也是無解。

矛盾的源頭

 1.少數vs多數vs更多數

舉例：移民

一個人純為自己考慮，移民後生活好左，咁當然會走。

但如果以「自己+年老父母」作為一組合的角度去考慮，移民會留低年老父母缺乏照顧，不移民才是對整個組合的最優選擇。

再抗大組合，變成「自己+年老父母+老婆+子女」，則移民又會變返最優選擇。

偉大啲，再再抗大組合，以本地整體社會角度而言，不移民又會變返最優選。

所以這種矛盾是無法解決的。

2.短期vs長期

做生意，第一單蝕本，但能帶來客戶增長，咁應該做嗎？

所謂「飲鴆止渴」好像在說一件負面的事；但這句成語真正想說的是，短期而言，你唔飲鴆，已經死左，仲邊有將來可言？

********

延伸閱讀：

子女移民遺年邁父母留港　調查指老人社交及健康均轉差